अनंत चतुर्दशी 

अनंत चतुर्दशी हा सण हिंदू धर्मातील एक महत्त्वाचा सण आहे. भाद्रपद महिन्याच्या शुक्ल पक्षातील चतुर्दशीला (गणेश विसर्जनाचा दिवस) हा सण साजरा केला जातो.

धार्मिक महत्त्व:-

या दिवशी अनंत भगवान विष्णूची पूजा केली जाते.

लोक अनंत धागा (काळा, लाल व केशरी रंगाचे धागे गुंफून तयार केलेला) हातावर बांधतात. हा धागा १४ गाठींनी बांधलेला असतो.

अनंत चतुर्दशीचे व्रत प्रामुख्याने कुटुंबाच्या सुख-समृद्धीसाठी, संकट निवारणासाठी व आयुष्यात शांती यावी यासाठी केले जाते.

कथा:-

पौराणिक कथेनुसार, महाभारतातील युधिष्ठिराने अनंत व्रत केले होते. यामुळे पांडवांना पुन्हा वैभव प्राप्त झाले. विष्णूंनी "अनंत" रूप धारण करून त्यांना आशिर्वाद दिला होता. म्हणून या व्रताला विशेष महत्त्व आहे.

प्रथा:-

उपवास करून भगवान विष्णूची पूजा केली जाते.

अनंत धागा उजव्या हातावर (पुरुषांनी) व डाव्या हातावर (स्त्रियांनी) बांधला जातो.

१४ वर्षे हे व्रत सातत्याने पाळण्याची परंपरा आहे.

गणपतीची मूर्ती घरात बसवलेली असेल तर या दिवशी गणेश विसर्जन केले जाते.

सामाजिक महत्त्व:-

अनंत चतुर्दशीला गणेश विसर्जन मिरवणुका निघतात. त्यामुळे हा दिवस गणेशोत्सवाचा परमोच्च क्षण मानला जातो.

समाजात एकता, आनंद आणि भक्तिभावाने हा सण साजरा केला जातो.

आपण  अनंत चतुर्दशी  लेख सविस्तरपणे वाचल्याबद्दल धन्यवाद! लवकरच भेटू पुढील नवीन विषयासह...